في وعاء نضع 3 بيضات نطلعوهم بالباتور مع علبة السكر جيداً، نضيف علبة الزيت مع الخلط المستمر، ثم نصف علبة من الحليب، ونصف علبة ياغورت الشوكولاتة.نخلط الكل ثم نضيف 2 ملاعق كاكاو اسود و كيس خميرة كيميائية و 3 علب فرينة (طحين او دقيق) مع غربلة المكونات السابقة.

في بلاطو مدور مثقوب في الوسط نفرغوا فيه الخليط بعد ما كنا دهناه بالمرغرين و رشينا عليه الفرينة (طحين) وندخلوه الفرن لي شعلنالوا من قبل على درجة حرارة 180°.

منفتحوش الفرن حتى تلاحظوا الكيكة تطلحت جيداً ندخلوا السكين نخرجوه نلقاوه ناشف ننزعوا الكيكة ونقلبوها في صحن.

للتزيين نحتاج: 3 ملاعق كبار شوكولاته الطلي انا استعملت اوبتيلا مع نصف علبة الشوكولاتة المتبقية على نار هادئة نجريو الخليط ونفرغوه فوق الكيكة ثم نزينوا بحببيبات الحلوة او كاوكاو اي شئ وشهية طيبة.😜😘😋