تغسل اوراق الملوخية وتصفي جيدا ثم تفرم ناعم انا استخدمت المخرطة وفرمتها ناعم

اذا عندا دجاج بنسلقوا او بنستخدم مرقة الدجاج مش المكعبات مرقة بتكون زايدة عندنا بنحفظها بالفريزر لحين ما نحتجها

باخد مقدار ٢كوب مرق وبتركهم يغلو علي النار وبضيف معلقة ثوم والكزبرة ورشة السكر وملح عشان نزبط الطعم وبتركهم ياخدو غلوة

بنضيف الملوخية عليهم مع التحريك بمضرب الشبك اليدوي حتي تفك مننا الملوخية لو حسينا انها ثقيلة ممكن نضيف بالمغرفة مرقة حسب ما تحبو قوامها عامل ازاي وبخفف عليها النار حتي ما تغلي بسرعة

بمقلاه حطيت معلقة زيت ذرة وضفت الملعقة الثانية من الثوم وحركتهم حتي اخذو اللون الذهبي وضفت رشة كزبرة وفورا طشيتهم فوق الملوخية

وضفت رشة الكربونة وحركتهم ورفعتها عن النار مش لازم تغلي الملوخية هي غلوة وحدة بمجرد ما تقلب داخل الحلة فورا بنطفي عليها وما بنغطيها لازم تضل داخل الطنجرة مكشوفة وتقدم مع الرز وصحتين وهنا