في إناء نحط البيض و الحليب و السكر و نخلط الكل مع بعض و نضيف الزبدة بعد ما نكون ذوبتها، و نزيد الزيت و نخلط من بعد نضيف الكاكاو و الفرينة و الملح و نخلط مليح حتى يتجانس الخليط، و نخليه يرتاح مدة نصف ساعة.

بعد ما يرتاح الخليط نبدا نطيب فلكراب نحكم كمية و نحطها فالمقلاة و نخليها طيب مليح من بعد نقلبها و نخليها طيب من الجهة الثانية و كي طيب مليح نطوي الحبة و نحط كمية من الشوكولاطة و الموز و نعاود نطويها على شكل مثلث و نحيها من المقلة.

نكمل الخليط بنفس الطريقة و نحطو فصحن التقديم، بالصحة و الهناء ❣️