ننخل الدقيق ونضيف له الملح ونضيف الماء الدافي ونبتدي نعجنها لحد ماتبقي عجينه متامسكه

نعجن كمان كل متتعجن كويس كانت النتيجه احسن

نغطيها ونسبها تستريح نص ساعة بعد كدا نقطعها كور الكيلو يعمل ٨ فطرات وندهنها بالزيت ونسبها تستريح نص ساعة كمان

نسيح السمن ونضيف عليها الزيت وندهن منهم الصواني الى هنسوى فيها

نبتدي فرد الفطير على سطح ناعم املس رخامه او تربيزه قبل الفرد ندهن السطح كله بخليط الزيت والسمن ونحط على العجينه خليط السمن والزيت ونفرد العجينه لحد ماتبقي رفيعه اوي وتكون شفافه تبين الى تحتها ونلم العجينه تاني فوق بعضها في شكل كوره ونسبها تستريح تاني

نعمل كل العجين بنفس الطريق نفرده بالسمن والزيت ونلمه فوق بعضه عشان يبقى مورق ونسيبه يستريح

بعد كدا نفرده تاني بإدينا في الصينيه كلها عشان ياخذ شكل الصينيه

ندهن وجهها كويس بالبيض المضروب مع الملح والفلفل الاسود ونوزع عليها مكعبات الطماطم والفلفل و الزيتون نملي الوجه كله

بعد كدا نرش الجبنة الرومي والموتزارلا على الوجه

وندخلها الفرن لحد ماتستوي من تحت نطلعها نحمر وجهها في الشوايه

وبالهنا والشفا