اولاً ضروري انو المقادير كلها تكون بدرجة حرارة الغرفه عدا كريمة الخفق ضروري تكون بارده

ثانياً نجهز قالب الخبز ونبطنه بورق الزبدة الخاص بالطبخ ونشغل الفرن على حرارة 180 ونتركه يسخن

نجي للخليط الحين نأخذ زبديه نضيف لها الجبن وكوب السكر ونحركه كويس بملعقة السيلكون حتى يندمج كويس نبدأ نضيف البيض حبةورار الثانيةوبين كل حبةوحبه نخفق بالخفاقه الكهربائيه او اليدويه حتى نخلص كمية البيض كلها ثم نضيف الفانيلا وعصير الليمون

في زبديه ثانية نحط فيها كريمة الخفق مع الدقيق ونخلطهم بمضرب الشبك كويس حتى يختفي عشان مايتكتل معنا ونصبه لخليط التشيز ونقلبه كويس ثم نحطه في قالب الخبز وندخله الفرن وتحته صحن

طبعاً مايحتاج حمام مائي على طول حطوه بالفرن ومدة الخبز تختلف من فرن الى ثاني يعني انا اخذ منى ساعة و10 دقائق وفيه ناس اخذ 40 دقيقه وناس 50 دقيقه لذلك تأكدي من حرارة فرنك وراقبيه بعد الاربعين دقيقه

ملاحظة :
- لازم الوجه يحمر زياده لانو يسمونه التشيز المحروق
- لما تطلعونه بتلاحظون فيه هزه بالخليط عادي ترى صح ومزبوط بس خليه يبرد بيتماسك
- بعد مايطلع من الفرن تخلوه عالكاونتر حتى يصير بدرجة حرارة الغرفه بعدين تحطوه بالثلاجه اقل شيء 3 ساعات وممكن قبل بليله تجهزيه يصير طعمه احلى وبس بالعافية عليكم 🤍