طريقة عمل مندي لحم غنم
الخطوات
- 1
لحم بعظمو حطيتو عالنار مع مي سخنة وبس غلي وطلعت الزفرة بكب المي وبغسل اللحم والطنجرة وبرجع بحط مي نضيفه ومغليه مع اللحم وبضيف بصله صحيحه وحب هال وورق غار وقرنفل وفلفل حب ومنترك اللحم عالنار ليستوي منضفلو ملح.
- 2
هلا الرز: نقعت كاستين رز بسمتي هندي بمي عاديه لمدة ساعه.
- 3
بعدين فرمت 2 حبة بصل مفروم وقلبتن عالنار مع شوية زيت وبس دبلو ضفت 2 حبة فليلفه خضرة مفرومة وقلبتن مع البصل والزيت وضفت بهارات دجاج مطحونة وفلفل ابيض ورشة زنحبيل بودرة.
- 4
ضفت 3 كاسات مرق لحم مصفى من البهارات الصحيحه اللي بالمرق وبس غلي المزيج ضفت الرز بعد ماغسلتو وصفيتو وغطيت الطنجرة وقويت النار.
- 5
بس قربت تنشف المي بخفف النار و وبضيف ملونات الاصفر هوي كركم مذوب بشوي مرق لحم والبرتقالي ملون غذائي وبتركا شي 10 دقايق.
- 6
بعد مرور العشر دقايق للرز ع نار هاديه بطفي النار وبعمل حفرة بالرز وبحط ورقه قصدير مع ملعقه صغيرة سمنة وفوقا بحط الفحمات الشاعله وبغطي الطنجرة فورا لتحافظ عالدخنة بقلبا وتركتا شي 10 دقايق.
- 7
بكون مشعله 3 قطع فحم ع نار تانيه.
- 8
بعدين شلت الفحم وقلبت الرز مع بعضو مشان تختلط الالوان.
- 9
اللحمة رفعتا من مية السلق وقلبتا بمقلايه تانيه مع شوية زيت وبهار الرز وحطيت ورقه قصدير كمان بين اللحم وعليها قطعه سمنة وفوقا الفحم الشاعل وغطيتن شي 10 دقايق.
- 10
بعدو منصف القطع فوق الرز.
- 11
- 12
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات