طبق الفول المصرى على اصوله
محدش مش بيحب الفول .. مش هاقول اكتر من كدة
#المطبخ_العربي_الأقوى
الخطوات
- 1
اول حاجه سمي الله كدة و هيأي نفسك لفول يظبط مزاجك مع كوباية شاي بالنعناع ان شاء الله و هاتي حلة او اى حاجه بتدمسي فيها الفول و حطي الفول سواء كنتى ناقعاه طول الليل في مية او لأ
- 2
غطيه كويس جدا بالمية و حطي الرز و العدس.. الخطوة دى شوفتها عند البنت بتاعة صفحة مطبخ تيك تاك عاليوتيوب و قلت اجرب كدة و فعلا حلوة جدا
- 3
حطى الطماطم و الكركم و الصلصة و عادى لو عايزة تحطي بصلايةبس انا لما محطتش محصلش اى حاجه
- 4
و غطى السطح بالزيت كمية حلوة تحسي انها غطت الوش.. الخطوة دى بتمنع ان الفول يسود
- 5
حطي الفول على نار هادية و ممكن بردو تسويه في الفرن ايوة في الفرن، حطي طبقة فويل قبل ما تحطي الغطا علشان تتأكدى ان الحرارة محوطة الفول علشان يستوى حلو و حطى الغطا كويس و حطيه لو في الفرن على حرارة ١٨٠ درجة في الرف الاوسط او طبعا على البوتجاز و سيبيه يعيش.. بيعيش كتير على فكرة اقله 4 ساعات.. اقله.. كل ساعتين كدة اطمنى عليه انه مش محتاج مية و اديه تقليبتين كدة و سيبيه و عادى لو استوى وانتى روحتى تشوفيه بعدها و عدى وقت بعد ماستوى خلاص.. بالعكس هايبقى طرى اكتر و نتيجه احلى
- 6
خلاص الفول خلص.. يللا على الخلاط بقا و اضربيه حلو جدا يبقى ناعم زبدة و قسميه على علب او سيبيه يبرد و حطيه في اكياس نايلون و حطي في الفريزر ماعدا الجزء اللى ها تستخدميه
- 7
نيجي للطبق بقا.. زى ماقلت في المقادير بالظبط.. ملح فلفل كمون كزبرة ناشفة زيت و طحينة و عصرة اللمون و قلبي بالشوكة ولا اجدعها بتاع عربية فول و دوقي علشان تظبطي مقاديرك حسب ذوقك و اول ما كله يتظبط معاكي هتلاقيكي وانتي في مكانك بتقمرى العيش ولا سفرة ولا يحزنون.. و عن تجربة 😄😄 و بالهنا و الشفا
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
(الافطار المصري) وصفة الفول المدمس (الافطار المصري) وصفة الفول المدمس
#النمليهيتميز الافطار المصري بكثير من الاختيارات و لكن اكثرهم شعبيه هي الفول و الفلافل(باللهجه الاسكندراني) و الطعميه باللهجه المصريه عامةً. و طبعا البيض المدحرج بالدقه و جبنه بالطماطم و الباذنجان المقلي و لكني اخترت ان اشويه ليكن صحي اكتر. واقدم لكم وصفة الفول المدمس
-
الكشري المصري على اصوله 🥰 الكشري المصري على اصوله 🥰
#الأكلات_ الشعبيه #الشيف_الذهبي
-
-
الفول المُدَمس الفول المُدَمس
الفول المدمس: أكله شعبيه مصرية الأصل وانتقلت إلى السودان ومن ثم السعوديه وبلاد الشامتقدم غالباً كوجبة افطار وتختلف طريقة التحضير من بلد إلى آخروطبق اليوم محضّر بالطريقه الشاميه
-
-
-
-
-
الفول المدمس المعلب الفول المدمس المعلب
بطريقة بدون مايصير بني غامق بعد الطبخ 😍 وبصلصة البقدونس والثوم
وصفات ننصحك بمشاهدتها
التعليقات