نغلي قشور البرتقال والقارص في كمية من الماء ونضيفلهم الشنان وحبة الحلاوة ونخليهم يغلو مليح نطفي عليهم ونخليهم يبردو

في قصعة نحط البيض والسكر والزيت ونخلطهم حتى يذوب سكر نضيفلهم الماء لي غلينا فيه قشور ليمون وبرتقال وهو دافئ نخلط مليح ونظيفالخمارة والفرينة نرون حتى نتحصلو على عجينة طريه

نظيفلها قطعة زبدة ونقعد ندلك فيه حتى تتجانس كل مكونات نخليه يرتاح 10 دقائق ونرجع نخلط فيه ونغطيه ونحطو في مكان دافئ مدة ساعة حتى يتضاعف الحجم

بعدها ندهن سنيوات ونشكلو كما حبيت نخبزو ونغطيه مليح ونخليه يخمر بعد ما يخمر شعل فرن يسخن مليح كي يسخن نقصلو وندهن الكعك بالبيض وندير فوقو سمسم ولا سانوج (حبة البركة او حبة السودا) وننطيبو حتى يولي احمر

تمساح درتو لولدي صغير عندو 7 اشهر منسيتوش درتلو حقو 😂😂😂😂 شهية طيبة