اول شي بنغسل صدر الدجاج جيداً ونصفيه وبنقطعه مكعبات كالشكل

بنجهز تتبيلة الدجاج.. نحضر وعاء غميق وبنحط فيه مكونات التتبيلة المذكورة بلمقادير كالشكل

نحرك جيداً حتى تختلط جميع المكونات مع بعضها كالصورة

نضع مكعبات الدجاج فوق التتبيلة

نحرك لتختلط جيداً مع بعضها ثم توضع بلبراد لمدة ساعة على الاقل..

نجهز البصل والبندورة كالشكل

توضع مكعبات الدجاج بالاسياخ مع البصل والبندورة فوق ورق القصدير على صينية الفرن.. فيكن تضيفو بصل لينشوى مع الدجاج

تدخل الى الفرن على درجة حرارة من ٢٠٠ الى ٢٣٠ تقريباً

بعد ان تنضج تماماً ويتحمرو من جميع الاطراف بنوطي الفرن عاخر عيار و نشغل فحمة وبنحطا في ورقة قصدير وبنحط فوقها اصبع زبدة وفوراً بنسكر الفرن

بنسكر الفرن فوراً لحتى تبقى الدخنة جوا وتاخد الشيش نكهة الشواء وتترك حتى تطفى تماماً

بنكون جهزنا الصوص.. بنشوح البصل والتوم قليلا ثم نضيف الفليفلة الخضرة والحمرة حتى يدبلو بعدا منضيف علبة طماطم المعلبة مع حبة بندورة مفرومة ناعم.. وبنحط ملح ورشة بابريكا ورشة بهار ابيض واسود.. ورشة كاري وبنغطي عالصوص حتى يتسبك ويتعقد..

بنجهز الرز بنعبي طنجرة ماء وبنحطلها مطيبات لسلق الرز يلي ذاكرتا بلمقادير يلي هيه ورق غار وحب هال وحب قرنفل وبهارات حب وعود قرفة وملح

بعد ماتغلي المي بنصفيا وبنشيل المطيبات وبنطب الرز بعد ما نكون غسلناه مظبوط وبنتركه يغلي حتى تسوى الرز.. وبس استوى الرز بنطبه بمصفاي وبنتركه يصفى..

بنجهز فحمة عالغاز بس تشتعل بنعمل حفرة بنص الرز وبنحط فيا ورق سولفان وجواه الفحمة المشتعلة وبنجيب اصبع زبدة بنحطا فوق الفحمة وفوراً بنسكر غطا الطنجرة وبنلفه بالنايلون الشفاف اكتر من مرة حتى تبقى الدخنة جوا ويصير طعم الرز مدخن وبنحط الطنجرة ع اوطى نار لمدة عشر دقايق او ربع ساعا

بس يجهز الرز بنصبه في صحن التقديم وفوقه الصوص وجنبه شيش الطاووق يلي شويناه ويزين حسب الرغبة والذوق بلزبيب والمكسرات..

يقدم كطبق رئيسي الى جانب البطاطا المقلية و المشوية بلفرن والبصل المشوي بلفرن.. والسلطات..

وصحة وهنا.. 😍