نتبل الكبدة و المخ بالبهار والملح والثوم البودرة و نصف كمية الثوم المفروم مع الزنجبيل ثم نضعهم في بولة لمدة ساعة او ٢

وفي الوقت ده نجهز السلطات واللي هي اولا : لسان العصفور ده بيتقدم مع الكبدة ومخ في المحلات على طول.. نشيل من كمية الطماطم حبتين ونخلط الباقي في الخلاط نقطع بصلة في حلة فيها زيت و سمن على النار و معاها لسان العصفور نقلب حتى يأخذ اللسان عصفور لون بني فاتح ننزل عليها بعصير الطماطم ونحط الملح والبهار ونغطي عليها لحد ما تستوي.. ويستحسن قبل ما تنزلي بالطماطم تقطعي عليها كام قطعة من الكبدة ومخ تتشوح مع اللسان شوية وبعدين تنزلي بعصير الطماطم بتكون اطعم

ثانيا : الباذنجان المخلل.. بنغسل الباذنجان ونقطعه انصاف ونقليه في زيت سخن ونفرم فلفل ونضعه على الثوم المفروم بالزنجبيل المتبقي معانا ونضع عليه كمون و ملح و فلفل اسود و شطة و نعصر نصف ليمونه و سنة خل ونقلبهم كويس ونطلع عليهم الباذنجان ونقلبه في الخلطة كويس