वांगे मंद आचेवर खरपूस भाजून घ्या. वांग्याला टोचे मारा जेणेकरून आतपर्यंत भाजले जाईल. गरम असतानाच अलगदपणे साल काढून घ्या. एका कढईमध्ये तेल तापवून घ्या. त्यात बारीक चिरलेला कांदा परतून घ्या. नंतर त्यात टोमॅटो घालून परतवून घ्या. नंतर त्यात मसाला, हळद, गरम मसाला आणि आले लसूण पेस्ट घालून तेल सुटेपर्यंत परतून घ्या. नंतर त्यात भाजलेले वांगे मँश करून घाला. एकजीव करून घ्या. त्यात चवीपुरते मीठ, किंचित साखर आणि शेंगदाण्याचा कूट घाला आणि वाफ काढा. नंतर त्यावर कोथिंबीर घाला. वांग्याचे भरीत तयार!