प्रथम पास्ता उकळत्या पाण्यामध्ये मीठ घालून 6-7 मिनिटे शिजवून घ्या. मग तो चाळणी मध्ये काढून त्यावर थोडे तेल लावून ठेवा. एका भांड्यात थोडे अमुल बटर आणि तेल घालून त्यात प्रथम जीरे,लसूण, कांदा, सुक्या मिरच्या नीट परतून घ्या. मग त्यात टोमॅटो घालून मिक्स करा व थोडा वेळ शिजवा.

आता वरील मिश्रणात सर्व मसाले, मीठ (ओरिगा नो सोडून) घाला. परतून घ्या त्यात थोडे पाणी घालून एकजीव करा. मग त्यात मैदा घालून मिक्स करा व त्यात दूध घालून चांगले शिजवा.

आता मिश्रण थंड झाल्यावर मिक्सर मध्ये बारीक वाटून घ्यावे, गरज पडल्यास पाणी घाला. परत भांड्यात अमुल बटर, तेल थोडे थोडे घालून त्यात मिक्सर मधील ग्रेव्ही घाला, एक उकळी आणा. त्यात चीज किसून घाला व नंतर पास्ता आणि चीज टोमॅटो सॉस घालून मिक्स करा. सर्वात शेवटी सर्व्ह करताना ओरीगानो घालून द्या.