मंडळी आज आपण एका अनोखी भाजी बनवणार आहोत. तुम्हा पैकी काही जणांना ही कदाचित माहिती नसेल अशी ही भाजी आहे सुरण फुलाची. सुरण खूप जुना झाला म्हणजे काही वर्ष ( काही वेळा १०-१२ वर्षांनी) तसाच जमिनीत राहिला तर सुरणाच्या कांद्याला वर देठाच्या बाजूला हे फुल येते. हे फुल कळी असतानाच म्हणजे उमलण्यापूर्वी काढले नाही तर फुलल्यानंतर याचा अतिशय घाण वास येतो. आमच्या बागेतल्या अशाच एका खूप जुन्या सुरणाला असं फुल आलं. व्हिडिओ मध्ये दाखवल्या प्रमाणे ते फुलण्यासाठी काढले आणि त्याची वरील झालर आणि मधल्या गाभ्यातील पुः केसरा सारख्या भागातील तळाचा भाग काढून टाकला. बाकी फुलाचे बारीक तुकडे करून कांदा, टोमॅटो, आले, लसूण, मिरची, खोबरे आणि चिंचेचा कोळ ( खाज येऊ नये म्हणून) घालून भाजी केली. अतिशय चविष्ट अशी ही दुर्मिळ भाजी खाण्यास मात्र खूप चविष्ट लागते. जमल्यास नक्की करून पहा.