पापलेट स्वच्छ धुवून चीरा देऊन मीठ लावून वीस मिनिटे ठेवा. लाल मिरची चे देठ काढून, धने आणि मिरची पाण्यात भिजत ठेवा. अर्धा कांदा बारीक चिरून घ्या आणि अर्धा कांदा उभा चिरून घ्या.

पापलेट परत एकदा धुवून घ्या. भिजवलेल्या मिरच्या आणि धने मिक्सरच्या भांड्यात काढून घ्या आणि बारीक वाटून घ्या. नंतर त्यात नारळाचा चव, लसूण आणि उभा चिरलेला कांदा बारीक वाटून घ्या. कढईमध्ये 2 टेबल स्पून तेल तापवून त्यात बारीक चिरलेला कांदा परतून घ्या. त्यात कढीपत्ता घाला.

लगेच खोबऱ्याचे वाटण घालून आवश्यक तेवढे पाणी घाला. कोकम आणि चवीपुरते मीठ घाला. एक उकळी आल्यावर त्यात पापलेट सोडा. आठ ते दहा मिनिटे शिजवून घ्या. नंतर त्यात बारीक चिरलेली कोथिंबीर घाला. गरमागरम भाताबरोबर सर्व्ह करा.