સૌ પ્રથમ મેદાના લોટમાં મીઠું અને મોણ નાખીને સાદા પાણીથી લોટ બાંધી લો લોટ એકદમ કઠણ કે એકદમ ઢીલો નહી બાંધવાનો પછી લોટને ઢાંકીને રાખી દો

ત્યારબાદ સમોસાના પૂરણ માટે બટાકા ને છાલ ઉતારીને છુંદી લો પછી એક તવલા માં તેલ લઇ તેમાં જીરૂનો વઘાર કરો સાથે સાથે મરચું અને આદુ પણ નાખી દો

ત્યારબાદ તેમાં ઝીણી સમારેલી ડુંગળી પણ નાખી દો અને ડુંગળી બ્રાઉન રંગની થાય ત્યાં સુધી સાંતળો પછી તેમાં માપ પ્રમાણે લાલ મરચું ધાણાજીરુ અને હળદર નાખી દો અને નમક નાખી દો અને સરખી રીતે હલાવો

પછી તેમાં માપ પ્રમાણે ચણાનો લોટ ઉમેરો સતત હલાવો ચણાનો લોટ નીચે બેસે નહીં એટલા માટે ગેસની આંચ લો રાખવી પછી તેમાં ચાટ મસાલો અને ગરમ મસાલો પણ ઉમેરી દો

ચણાનો લોટ સરખો ભળી જાય પછી તેમાં બાફેલા બટાકાને નાખી દો અને સરખી રીતે હલાવીને બધું એક રસ કરી દો અને બધું સરખી રીતે મળી જાય પછી તેમાં ધાણા ભાજી ઉમેરી દો તો આ રીતે સમોસાનું પૂરણ તૈયાર છે ગેસ બંધ કરી અને સમોસાના પૂરણ ને થોડીવાર ઠંડું પડવા દો

હવે સમોસા બનાવવા માટે મેંદાના લોટમાંથી એ લુવો લઇ અને તેનું ગોરણુ તૈયાર કરો તેમાંથી એક મોટી રોટલી વણો ત્યારબાદ તેને લંબચોરસ શેપ આપવા માટે ચારે બાજુથી ચાકુની મદદ થી ધાર કાપી લો

હવે લંબચોરસ ના ચાર એક સરખા ભાગ કાપો ચિત્રમાં બતાવ્યા પ્રમાણે ત્યારબાદ એક એક ભાગને અલગ કરીને તેમાં થોડું પૂરણ મૂકી ચારે સામ-સામીબાજુ ભેગી કરીને જોડી લો જોડવા માટે એક વાટકીમાં થોડું પાણી રાખવું અને ચારે ભાગ જોડાઈ ગયા પછી તેમાં ઉપરથી લવિંગ ભરાવું જેથી કરીને કોઈ ભાગ છૂટો ન પડી જાય

આ રીતે બધા સમોસા તૈયાર થઇ ગયા બાદ ગેસ ઉપર તળવા માટે તેલ મૂકી અને ધીમી આંચ ઉપર ધીમેધીમે તળવા તેલ મા બહુ ઉથલાવવાના નહીં બાકી સમોસાનું પૂરણ બહાર નીકળી જશે બ્રાઉન રંગના થઈ જાય પછી બહાર કાઢી લેવા તો આ રીતે તૈયાર છે ગરમા ગરમ રૂમાલી સમોસા જેનો ટેસ્ટ ખૂબ જ ટેસ્ટી અને યમ્મી લાગે છે