#रेसिपीबुक #गावाकडच्या_आठवणी
पानगी हा प्रकार मला नेहमी भूतकाळात घेऊन जातो. माझी आजी उत्तम पानगी बनवायची. केळीच्या पानाला आमच्या गावी खोला म्हटलं जाते. माझी आई या रोटीचे अनेक प्रकार करायची मेथीची, केळफुलाची, बोंबलाची, करंदीची(छोटी ओली कोळंबी) गुळाची, नारळाची, काकडीची... गोड-तिखट, वेज - नॉन वेज अश्या दोन्ही चवीची. शक्यतो रात्री जेवण झाले की चुलीवर तवा ठेवून त्यावर केळीच्या पानात थापायची आणि मंद विस्तवावर खरपूस भाजून झाकून ठेवायची. मग सकाळी मस्त न्याहारीला खायची. मस्त स्मोकी फ्लेवर यायचा 😋😋😋 आता चुलीवर नाही करता आली म्हणून गॅस वर केली, छानच झाली पण आजीची आणि आईच्या हातची सर नाही. अजूनही आईकडे गेली की मी हमखास करून मागते खोल्याची रोटी.