સૌપ્રથમ બધી વસ્તુઓ ભેગી કરી લો. ત્યારબાદ છાશમાં થોડું મીઠું નાખીને સરખી રીતે મિક્સ કરી લો. ત્યારબાદ એક કડાઈમાં બે ચમચી જેટલું તેલ મૂકો તેલ ગરમ થઈ જાય ત્યારબાદ તેમાં 1/2ચમચી આદુ મરચા,લસણની પેસ્ટ અને હળદર નાખીને મિક્સ કરી લો.

ત્યારબાદ તેમાં છાશ નાખી દો. ત્યારબાદ તેમાં સ્વાદાનુસાર મીઠું, લાલ મરચું પાઉડર, અને રેડ ચીલી ફ્લેક્સ ઉમેરીને થવા દો. ત્યારબાદ એક બાઉલમાં ચણાનો લોટ અને અડધો કપ પાણી ઉમેરીને પેસ્ટ બનાવી લો.

છાશ સરખી રીતે થઈ જાય ત્યારબાદ તેમાં ચણાના લોટની પેસ્ટ ઉમેરો.અને સરખી રીતે ગાંઠા ન રહે તે રીતે મિક્સ કરી લો.

ચણાની પેસ્ટ કડાઈને છોડવા લાગે ત્યાર બાદ ગેસ બંધ કરી દો અને એક થાળીમાં તેલ લગાવીને તે પેસ્ટને સરખી રીતે પાથરી દો. અને ઠંડી થવા દો. ઢોકળી ઠંડી થાય ત્યાં સુધીમાં એક કડાઈમાં બે ચમચી તેલ મૂકો તેલ ગરમ થઈ જાય ત્યારબાદ તેમાં રાઇ, જીરું,લીમડો અને આદુ મરચા નાખો.

ત્યારબાદ તેમાં લસણની ઢીલી ચટણી, હળદર અને ગરમ મસાલો નાખો. મસાલા ને સરખી રીતે મિક્સ કરી લો ત્યારબાદ તેમાં છાશ નાંખો અને ઉકળવા દો.

છાશ થાય ત્યાં સુધી ઢોકળી ના કટકા કરી લો. ઢોકળી ના કટકા છાશમાં નાખો અને પાંચથી સાત મિનિટ સુધી તેને ધીમા તાપે થવા દો. તૈયાર છે ચટપટી અને સ્પાઈસી ઢોકળી નું શાક જેને ભાખરી, પરાઠા, થેપલાં વગેરે સાથે ખાઈ શકાય છે. અને બનાવેલી ઢોકળી પણ એમનમ ખાવામાં ખૂબ જ સ્વાદિષ્ટ લાગે છે.