लज्जतदार बहुगुणी कडीपत्ता चटणी
कढीपत्त्याचे झाड बऱ्यापैकी मोठे असते. गावठी कढीपत्ता जास्त गडद रंगाचा आणि घमघमीत सुगंध असणारा असतो.बहुतेक घरात कडीपत्ताशिवाय स्वयंपाक घरात पान हलत नाही. कडीपत्त्याच्या nutrient value बद्दल काय बोलणार. फोडणीत टाकला की पदार्थांची लज्जत वाढते...फोडणीत जीरे आणि मोहरी सोबत कढीपत्ता टाकला की मस्त खमंग सुगंध येतो, लगेच भूक चाळवते. कडीपत्त्याचे जेवनाला चव् आणण्याव्यतिरिक्त भरपूर फायदे आहेत.चटणी खाल्ली की आजारी माणसाच्या तोंडालाही चव येते.कढीपत्त्यामुळे पदार्थांना एक वेगळीच चव येते. कढीपत्त्यामुळे जिभेवरच्या चवीची संवेदना वाढते.कडीपत्त्याचा वापर भाजी आणि डाळीला फोडणी, तडका देण्यासोबतच पदार्थाची चव, सुगंध वाढवण्यासाठी होतो.कांदेपोहे असो, उपीट असो अथवा कुठलीही सांबर किंवा महाराष्ट्रीय आमटी कढीपत्त्याशिवाय अपूर्णच. एवढे स्वादाचे काम कढीपत्ता करतो. दक्षिणात्य प्रत्येक पदार्थात व चटण्या यांमध्ये कढीपत्ता असतोच. सहजपणे उपलब्ध होणाऱ्या या पानांमध्ये भरपूर न्यूट्रिएंट्स असतात, जे आजारांना आपल्यापासुन दूर ठेवतात. कडीपत्ता पोटासाठी खूप फायदेशीर मानला जातो.कढीपत्त्यात अँटी-ऑक्सिडेंट, अँटी बॅक्टेरीयल, अँटी-फंगल गुण आहेत.कढीपत्ता आयरन आणि फॉलिक अॅसिडचा स्रोत आहे. आयरनची कमतरता फक्त शरीरात आयरन नसल्यानं नाही तर शरीरामध्ये आयरन मुरत नसल्यामुळे होते. याव्यतिरीक्त फॉलिक अॅसिड आयरन शोषून घेण्यास मदत करते.
कढीपत्त्यामध्ये अधिक प्रमाणात फायबर असते. ब्लडमधील इन्सुलिनला प्रभावित करुन ब्लड-शुगर लेवल कमी करते..
कडीपत्ता बद्दल लिहावे तितके कमीच आहे... असा हा 'बहुगुणी' आणि ' आरोग्य संपन्न' कढीपत्ता आहारात नेहमी ठेवावा. कडीपत्ता पाने कच्ची चावून खाल्लेली सुद्धा चालतात.