1. સૌપ્રથમ હેલ્ધી પીઝા બનાવવા માટે ૩ નંગ બટાકા લઈ તેને સરખી રીતે ધોઈ અને છાલ ઉતારી લો. પછી તેને ખમણી લો... ત્યારબાદ તેમાં સ્વાદ મુજબ મીઠું ઉમેરી મિક્ષ કરી લો... ત્યારબાદ તવા પર બે ચમચી તેલ મૂકી તેમાં જીરૂ ઉમેરી જીરુ તતડે પછી તેમાં બટેકાનો ખમણ ઉમેરો.... અને તેને પીઝા જેવો ગોળ આકાર આપી દો...

ત્રણથી ચાર મિનિટ પછી તેને ઉથલાવી લેવો...... એટલે બંને બાજુ સરસ બદામી રંગનો થઈ જશે.. ત્યારબાદ તેના પર સુધારેલા ટામેટાં મૂકો....

2.ઢોસા /પુડલા બનાવવા માટે-----સૌપ્રથમ ઉત્તમ કંપનીનો ફરાળી લોટ લો... ત્યારબાદ તેમાં મીઠું, ચપટી મરી પાઉડર અને જરૂર મુજબ પાણી ઉમેરી ખીરુ બનાવી લો... પછી તેને તવા પર તેલ મૂકી પાથરી દો...... પછી એક મિનિટ પછી તેમાં પરપોટા થવા લાગે પછી ધાર ઉપર અને વચ્ચે તેલ લગાવો....

ત્યારબાદ તેને ઉથલાવી લો..... ત્યારબાદ તેને પ્લેટમાં લઈ લો.... લો તૈયાર છે આપણો ઢોસો / પુડલો......

3. સાબુદાણા ની ખીચડી બનાવવા માટે---- સૌપ્રથમ પલાળેલા સાબુદાણા લો. (જો સાંજે સાબુદાણાની ખીચડી કરવી હોય તો પાંચ-છ કલાક પહેલા બે વખત તો એ અને પલાળી દેવા.) ત્યારબાદ બટેકા પણ બાફી લેવા... ત્યારબાદ એક કડાઈમાં 2 ચમચા તેલ, જીરુ, તમાલપત્ર, મીઠા લીમડાના પાન, ઉમેરો

ત્યારબાદ તેમાં સાબુદાણા બાફેલા બટાકા ના કટકા મરચું, હળદર, ધાણાજીરું, મીઠું ઉમેરો.... ત્યારબાદ બધું સરખી રીતે મિક્સ કરી લો.... પછી તેમાં લીંબુનો રસ ઉમેરો....

ત્યારબાદ તેને સર્વિંગ પ્લેટમાં લઈ લો.... તો તૈયાર છે આપણી સાબુદાણાની ખીચડી સાથે મસાલા દહીં સર્વ કરો.....

4. ઉત્તમ કંપનીનો ફરાળી લોટ લો.... એક તપેલીમાં લોટ લઇ તેમાં મીઠું અને મરી પાઉડર ઉમેરો.... પછી તેમાં બેકિંગ સોડા ઉમેરો.....

અને પલાળેલા સાબુદાણા, બાફેલા બટાકા સીંગદાણાનો ભૂકો, ૧ ચમચી ખાંડ, કાજુ, બદામ નો ભૂકો ઉમેરો.... પછી બધું સરખી રીતે મિક્સ કરી ગોળા વાળી લો...

ત્યારબાદ લોટના બનાવવાના ખીરામાં વડા ઉમેરી તેને તપકીર ના લોટ માં રગદોળી તેલમાં તળી લો....

આ રીતે બધા વડા તૈયાર કરી લો... તો તૈયાર છે આપણા સાબુદાણા ના વડા....

ગરમાગરમ સર્વ કરો....

5--- ઉત્તમ કંપનીનો ફરાળી લોટ લઈ તેમાં મીઠું મરી પાઉડર અને બેકિંગ સોડા ઉમેરી. જરૂર મુજબ પાણી ઉમેરી ખીરુ બનાવી લો.. પછી તેમાં બનાવેલા વડા ઉમેરી લો....

ત્યારબાદ વડાને તવા પર મૂકી તેના પર તેલ લગાવી ટીકી ની જેમ બદામી રંગનો શેકી લો.. જેને તળેલું ન ખાવું હોય તેને આ રીતે આપી શકાય...

આ રીતે તેને સર્વ કરો...

6. ફરાળી કોથમીર ની ચટણી બનાવવા માટે--- 50 ગ્રામ કોથમીર, 2 લીલા મરચા, ૧ ચમચી ખાંડ, સ્વાદમુજબ મીઠુ, એક ચમચી ટોપરાનું ખમણ, ૧ ચમચી તલ, એક ચમચી સીંગદાણાનો ભૂકો, થોડા લીમડા ના પાન લઈ લો.... પછી બધું મિક્સર જાર માં લઈ લો..... પછી એકવાર મિક્સર ફેરવી લો. પછી તેમાં આદુ ના કટકા ઉમેરો.. અને ફરી મિક્સરમાં ફેરવી લો....

ત્યારબાદ તેમાં લીંબુનો રસ ઉમેરી લો...

ત્યારબાદ તેને સર્વિંગ પ્લેટ મા લઈ સર્વ કરો.....

7.. ટામેટા ની ફરાળી ચટણી બનાવવા માટે---- ૨ નંગ ટામેટા લઈ તેને સરખી રીતે ધોઈ લો.... પછી તેના કટકા કરી તેમાં સ્વાદ મુજબ મીઠું, 1 ચમચી જીરૂ, ૧ ચમચી તલ, ૧ ચમચી ખાંડ, અને બે લીલા મરચા ઉમેરી લો, અને તેને મિક્સરમાં ક્રશ કરી લો... ત્યારબાદ તેને કાચની બોટલમાં કાઢી લો... જેથી આઠથી દસ દિવસ સુધી ફ્રિજમાં સારી રહે છે... અને તમે તેનો ઉપયોગ ફરાળી વાનગીઓમાં કરી શકો છો....

8. એક પ્લેટમાં આદુ નો કટકો, હળદર, મીઠું, અજમો, મરચું પાઉડર અને લીંબુનો રસ લો... પછી આદુને ધોઈ છાલ ઉતારી નાના કટકા કરી લો...

ત્યારબાદ ઉપર પ્લેટ માં આપેલી બધી વસ્તુઓ ઉમેરી, લીંબુનો રસ ઉમેરો.... અને બધું સરખી રીતે મિક્સ કરી લો.... તૈયાર છે આપણું આદુનો અથાણું... કેમકે ગુજરાતી ઓને ભાણામાં અથાણાં વગર તો ચાલે જ નહીં... કેમ બરાબરને???? આદુના ઘણા બધા ફાયદા છે... જેમ કે આદુ ભોજનને પચાવવામાં ઝડપથી મદદ કરે છે.... અને સાથે સાથે લોહીનું પરિભ્રમણ ઝડપથી કરાવે છે..

9. બટાકાની જાળીવાળી વેફર બનાવવા માટે --- હાથે ઘરે બનાવેલી બટાકાની જાળીવાળી વેફર લો.... અને તેને જરૂર મુજબ તેલ લઈ અને તળો...

10... દુધીનો હલવો બનાવવા માટે 50 ગ્રામ દૂધ લો. તેને ધોઈ છાલ ઉતારી લો.... પછી તેને ખમણી વડે છીણી લો.... ત્યારબાદ એક કડાઈમાં બે ચમચી ઘી લઇ તેમાં ખમણ ઉમેરો... પછી તેમાં દૂધ ઉમેરો..

પછી તેને સતત હલાવતા રહો.. અને ખાંડ ઉમેરો... દૂધ બળી જાય ત્યાં સુધી હલાવો.....

પછી તેમાં કસ્ટર પાઉડર ઉમેરો... અને સતત હલાવતા રહો.. પછી તેને એક પ્લેટમાં લઈ કાજુ બદામ થી ગાર્નીશ કરો...તો તૈયાર છે આપણે દુધીનો હલવો.....

ત્યારબાદ સર્વિંગ પ્લેટમાં બધુ લઈ અને સંચળ વાળી મસાલા છાશ અને સાથે ફ્રુટમાં એક કેળુ મૂકી દો....

તો તૈયાર છે આપણા સૌની મનગમતી એવી ફુલ ફરાળી પ્લેટર

તો છે ને મસ્ત મજાની ફુલ ફરાળી પ્લેટર

તો કેવી લાગી મારી આજ ની થાળી.

તેના view મને જરૂરથી આપશો. અને તમે પણ ટ્રાય કરજો ખૂબ મજા આવશે...