பாஸ்மதி அரிசியைக் கழுவி அரை மணி நேரம் ஊற வைக்கவும்.

கடாயில் ஒரு மேசைக்கரண்டி நெய் ஊற்றி காய்ந்ததும் பிரியாணி இலை, பட்டை, சீரகம், ஏலக்காய், கறுப்பு ஏலக்காய் தாளித்து சுக்குப் பொடி சேர்க்கவும்.

பின்னர் ஊறிய பாஸ்மதி அரிசியைச் சேர்த்துக் கிளறவும். இரண்டு சிட்டிகை குங்குமப்பூ சேர்க்கவும்.

இரண்டரை கப் தண்ணீர், தேவையான அளவு உப்பு சேர்த்துக் கலந்து மூடி வைக்கவும். அடுப்பை சிம்மில் வைக்கவும்.

கடாயில் இரண்டு மேசைக்கரண்டி நெய் ஊற்றி காய்ந்ததும் வால்நட் சேர்த்து வறுத்து எடுக்கவும். பின்னர் பாதாம், முந்திரிப் பருப்பு என்று தனித்தனியாக வறுத்து எடுக்கவும்.

இந்நேரத்தில் புலாவ் வெந்திருக்கும். வெந்த புலாவை வேறு பாத்திரத்தில் மாற்றி வறுத்த வெங்காயம், மற்றும் ட்ரை ஃப்ரூட்ஸ் தூவி ஒரு கிரேவியுடன் பரிமாறவும்.