#रेसिपीबुक #week11

उपासाच्या दिवशी फराळी कचोरी खायला मिळाली तर उपास छान साजरा होतो. काही उपाहारगृहात याला फराळी पॅटिस असंही म्हणतात.  पण तळलेली कचोरी खाणं नकोसं वाटतं. म्हणून मी ही कचोरी आप्पे पॅन मध्ये करते. अगदी कमी तेल/तूप लागतं आणि चवही छान येते. आवरणासाठी बटाटे कुस्करून त्यात साबुदाण्याचं पीठ घालते (तुम्ही उपासाची भाजणी किंवा वरी, राजगिरा पीठ घालू शकता). सारण खरवडलेला नारळ, कोथिंबीर, हिरवी मिरची, आमचूर, मीठ, साखर घालून करते. गरमगरम कचोरी नारळाच्या चटणी सोबत अगदी चविष्ट लागते. आणि तळलेली नसल्यामुळे अगदी चिंता न करता खाता येते.