બટાકા ને ધોઈને કૂકર માં 2 સિટી આવે 5ય સુધી બાફી લો. ઠંડા કરી છાલ ઉતારી 2 ભાગ કરી લો. બટાકા માં થોડું મીઠું,લાલ મરચું અને લીંબુ નીચોવી સાઇડ માં મૂકી દો.

ડુંગળી અને ટામેટું ઝીણું સમારી લો. હવે પેન માં તેલ લઇ ગરમ થતાં તેમાં જીરું ઉમેરો જીરું તતડે પછી એમાં કરી પત્તાં,ડુંગળી અને લસણ, આદું નાખી થોડું શેકી લો. હવે એમાં ટામેટું નાખી તરત ઉપર મીઠું નાખી મિક્સ કરી દો. ટામેટાં ચડે ત્યાં સુધી થવા દો.

હવે એમાં મસાલા ઉમેરી લો અને તેલ છુટ્ટું પડે ત્યાં સુધી થવા દો. આમાં મસાલા વાળા બટાકાં નાખી મિક્સ કરી ઢાંકણ ઢાંકી 15 મિનિટ થવા દો. છેલ્લે તેમાં લીલાં ધાણા ઉમેરી ગાર્નિશ કરો. તૈયાર છે લસણિયાં બટાકાં.