सर्वप्रथम अळूची पाने स्वच्छ धुऊन पुसून घ्यावीत. मग त्याच्या मागचे देठ काढून लाटण्याने लाटून प्लेन करून घ्यावे. आता एका भांड्यामध्ये बेसन, तांदळाचे पीठ,तिखट,मीठ, हळद,धनेपूड,खोबरे कीस, लिंबाचा रस,थोडेसे गरम तेलाचे मोहन, पाणी टाकून घट्टसर भिजवून घ्यावे.

अळूच्या पानांना पण लिंबाचा रस लावावा. आता प्रत्येक आळूच्या पानाला तयार केलेलं मिश्रण लावून सगळी पाने पालथी घालून एकावर एक ठेवून तयार केलेले मिश्रण लावून घ्यावे. मग साईडला पानांची घडी करून घ्यावी.

आता अळूच्या पानांचा रोल करून घ्यावा. एका पातेल्यामध्ये पाणी उकळून त्यावर प्लेट ठेवून त्या प्लेटला तेल लावून त्यावर अळूच्या पानांचे रोल मंद आचेवर वीस ते पंचवीस मिनिट वाफवून घ्यावेत.

रोल वाफवून झाले की त्यांना थंड होऊ द्यावेत. व त्याचे पातळ पातळ काप करून घ्यावेत खालती चित्रात दाखवल्याप्रमाणे.

आता एका कढई मध्ये तेल घेऊन त्यामध्ये ह्या सगळ्या अळूवड्या तळून घ्याव्यात.अळू वड्या तळून झाल्या की, त्यावर भाजलेले तीळ भुरभुरून घ्यावेत आणि अशा कुरकुरीत अळू वड्या खायला द्याव्यात.