सर्वात प्रथम उकडलेले बटाटे सोलून घ्या. बटाट्याचे दोन भाग करा. चमच्याने त्याचा आतील भाग काढून बटाट्याला वाटीसारखा आकार द्या.

गॅसवर नॉनस्टिक तवा गरम करा. तवा तेलाने थोडा ग्रीस करा. तव्यावर बटाटे ठेवा. बटाट्यावर थोडं मीठ भूरभूरा आणि सगळीकडे बटाट्याला थोडं थोडं तेल ब्रशने तेल लावून घ्या. मोठ्या आचेवर बटाटे २-३ मिनिटे भाजून घ्या.बटाट्यांना ब्राऊन रंग येईपर्यंत शेकवा.

आता बटाटे उलटवा. परत त्यांना थोडं थोडं तेल आणि मीठ लावून मोठ्या आचेवर ब्राऊन रंग येईपर्यंत २-३ मिनिटे शेकवून घ्या. गॅस बंद करून बटाटे बाजूला काढून ठेवा. आता सर्वस्टफिंगचे साहित्य पाणी किंवा दूध घेऊन एकत्र करून घ्या. चांगले मिक्स करून त्याचे सहा समान भाग करा. आता १-१ स्टफिंग प्रत्येक बटाट्यामध्ये दाबून भरा म्हणजे त्यातील स्टफिंग बाहेर पडणार नाही.

गॅसवर नॉन - स्टिक तवा गरम करा. तव्यावर अगदी थोडं तेल गरम करा. मग स्टफिंगची बाजू वरती येईल अशा प्रकारे बटाटे तव्यावर ठेवून मंद गॅसवर १ मिनिट गरम करा. मग उलटे करून परत मंद गॅसवर २ मिनिटे शिजवून घ्या.