सर्वात आधी अळूची पणे स्वच्छ धुवून बारीक चिरून घ्या. कांदा सुद्धा बारीक चिरून घ्यावा.

कढईत 2 टेबलस्पून तेल गरम करून त्यात मोहरी, जिरे, हिंग, ओवा याची फोडणी घाला. मग लसूण, आले,हिरवी मिरची चा ठेचा घालून परतून घ्या. त्यात कांदा घालून लालसर होईपर्यंत परतून घ्या.

आता त्यात चिरलेल्या अळूची पाने घाला व परतून घ्या. भांड्यावर झाकण ठेवून एक वाफ येऊ द्यावी.

एका बाउल मधे बेसन, तांदळाचे पीठ, मीठ, हळद, मसाला, गरम मसाला घालून मिक्स करा. त्यात पाणी घालून भजीच्या पिठासारखे पीठ तयार करा.

आता गॅस वरील भांड्याचे झाकण काढून त्यात हे पिठाचे मिश्रण घालून एकत्र करून घ्या. सतत ढवळत रहा, हळूहळू गोळा वळायला सुरुवात होईल. भांड्यावर झाकण ठेवून एक वाफ काढा.

एका प्लेट ला तेलाचा हात लावून घ्या. त्यावर हे मिश्रण थापून घ्या. वरून आवडीप्रमाणे तीळ किंवा शेंगदाण्याचा जाड कूट पेरून थापून घ्या.

थंड करून सेट होऊ द्या, मग सुरीने वड्या पाडाव्यात, आवडीप्रमाणे खमंग शॅलो फ्राय किंवा डीप फ्राय करून घ्या. मस्त खमंग विदाऊट रोल अळू वडी तयार.