सर्वप्रथम उडीद डाळ व तांदूळ पाण्याने स्वच्छ धुवून घ्या, मग त्यात जाड पोहे व मेथी घालुन 10 तास भिजवा, त्यानंतर 10 तासाने बारीक वाटून घ्या व 10 तास त्याला आंबु द्या. बाजूलाच एका वाटीत पाणी घेऊन चिंच साधारणतः 2-3 तास किंवा रात्रभर भिजू घाला, त्यानंतर चिंचेला कुस्करून चहा गाळणीने गाळून घ्या.

सांबारसाठी - तूर डाळ व मसूर डाळ स्वच्छ धुवून घ्या त्यात कापलेले शेवगा, कोहळा, वांगी आणि कांदे घालून कुकर मध्ये 4 शिट्ट्या होईस्तोवर शिजवून घ्या. त्यानंतर चिंचेच्या पाण्यात सांबार मसाला, तिखट घाला. फोडणीसाठी एका भांड्यात तेल घ्या त्यात मोहरी, मेथी दाणे, लाल मिरची, हिंग, कडीपत्ता घाला, त्यांनतर चिंचेचे पाणी घाला मग शिजवलेली डाळ, पाणी व मीठ घालून शिजवून घ्या.

बटाट्याच्या भरीतसाठी - एका कढईत तेल गरम करा त्यात जिर मोहरी, कडीपत्ता, कांदा, मिरची घालून शिजवून घ्या. त्यांनतर त्यात हळद व मीठ घाला त्यानंतर उकडलेला बटाटा घालून व्यवस्थित मिक्स करून घ्या.

डोसाच्या मिश्रणात मीठ व गरजेपुरते पाणी घाला, त्यांनतर दोसाच्या तव्यावर तेल लावून गोल वाटीने अर्धी वाटी मिश्रण घाला व त्याच वाटीने गोल आकार द्या व 2 मिनिट शिजू द्या त्यानंतर दुसरी बाजून पण 1 मिनिट शिजू द्या.