#وصفة_ونصيحة
اولا المربيات طبعا كل حدا عندو طريقة ناس بيعبوها سخنة ناس باردة ناس بيشمسو ناس لاء.بس بصراحة وعن تجربة كل شي مربايات و رب البندورة ودبس الفليفلة واي شي بيخطر ع بالكن بدكن تحفظو للشتوية ناشف بمراطبين افضل طريقة التشميس بعد ما تطبخوهن عالنار لازملن شمس كم يوم هيك منتاكد مية بالمية انن ما عاد فيهن رطوبة ..
المربى بس نعبيهن بالمراطبين كمان منرجع منحطن حد شباك يومين لينشف الوج تماما هيك مستحيل يرجعو يخربو ..
اذا لقينا انو القطر خفيف ممكن نرجع نشمس المربى او منشيل قطع المربى و منصفي القطر و ومنرجع منغليهن ليصير القطر تقيل..ما منغلي الفواكة مع القطر بيصير لونن غامق..
الشطة كمان بعد التشميس منعبيهن و منحط زيت ع الوج ليغمرن تماما و منقطع عنن الهوا ..
#الحبوب#الطحين لازم نحفظهم بمطرح برود..اذا لقينا شي مسوس ضروري نحطن بكيس بالفريزر لنتاكد انو السوس مات لانو بيعدي و بينتقل من مطرح للتاني.بعد ما نتاكد انن ماتو مننخل الحبوب و منشمسهن(الرز ما بيتشمس لانو بيصير يتكسر عالشمس)ومنرجع نعبيهن مع رشة ملح خشن و قرنين فليفلة يابسين
في كتير طرق تعقيم هيي بسحب الهوا بس بالبيت ما بتزبط
#تجفيف_الخضار_الورقيات
مثل النعنع .الحبق.البقدونس. الكزبرة.
افضل طريقة هي التجفيف داخل البيت على قماشة بمكان في هوا متجدد بعيد عن الشمس حتى ما يصيرو لونن اسود او عالمروحة او بالميكروويف او الفرن نفس الشي بالنسبة للبامية او اللوبيا او اي شي تاني بدو تجفيف..ضروري ع قماشة بمطرح فيّ و تيار هوا ..
#اللبنة بتصير طعمتها مرة او بتفرط بالزيت اذا ما كانت ناشفة تماما ..