सर्वप्रथम जवस मध्ये कचरा असेल तर स्वच्छ करून घ्यावेत. व नंतर मंद आचेवर जवसाला कढईमध्ये टाकून भाजून घ्यावेत. भाजतांना जवस तडतड उडतील. छान भाजून झालेत कि गॅस बंद करावा. जवस जळणार नाही याची दक्षता घ्यावी. त्याचप्रमाणे शेंगदाणे सुद्धा भाजून घ्यावेत व दोन्ही थंड होऊ द्यावे.

आपली कढई गरम असतेच त्यामध्ये थोडा लसण परतून घ्यावा. गॅस बंदच असावा. जवस व शेंगदाणे थंड झाले कि शेंगदाण्याचे साल काढून घ्यावेत. आता जवस, शेंगदाणे,तिखट,मीठ,जिरे,साखर, आमचूर पावडर, हिंग हे सगळे मिक्स करून घ्यावे. व मिक्सरमध्ये बारीक करून घ्यावे.

मिक्सरमध्ये बारीक झाल्यावर ही जवसाची चटणी एका बरणीत भरून ठेवावी. ही चटणी महिनाभर छान राहते. आपल्या ताटाच्या डाव्या बाजूची रंगत सुद्धा वाढवते.