સૌપ્રથમ છોલે ચણા ને ૨-૩ કલાક.માટે પલાળી રાખો.પછી તેને કૂકર માં લઇ તેમાં હળદર અને મીઠું નાખી ને ૪-૫ સીટી વગાડી ને બાફી લો.બાસમતી ચોખા ને પણ અડધો કલાક પલાડી રાખો.

હવે એક કૂકર માં બધાં ખડા મસાલા નાખી તેમાં રાઈ જીરું અને હિંગ નાખી સાંતળો પછી તેમાં ડુંગળી નાખી ને સાંતળો આછી ગુલાબી થઇ એટલે તેમાં આદુ મરચાં લસણ ની પેસ્ટ નાખો પછી તેમાં સમારેલા ટામેટા નાખી સાંતળો.

એ પોચા પડે એટલે તેમાં બધા મસાલા નાખી બરાબર રીતે મિક્સ કરી લો. પછી તેમાં કસૂરી મેથી અને પંજાબી છોલે મસાલો ઉમેરી ને મિક્સ કરી લો.

હવે તેમાં છોલે ચણા, બટેટા અને ચોખા ઉમેરી ને જરૂર મુજબ નું પાણી ઉમેરી બરાબર રીતે મિક્સ કરી લો.અને તેને ૧ -૨ સિટી પર થવા દો.

તો તૈયાર છે છોલે દમ બિરિયાની