प्रथम मक्याचा किस बनविण्यासाठी मक्याचे दाणे काढा आणि दाणे मिक्सर मध्ये फिरवून जाडसर वाटून घ्या. एका भांड्यात गॅसच्या मध्यम आचेवर वर तेल गरम करा, त्यात मोहरी, जीरे टाका, जसे मोहरी जीरे तडतडल्यावर गॅस कमी करा आणि त्याच्यात हिंग, बारीक कापलेली हिरवी मिरची घालून अर्धा मिनिट परतून घ्या.

आता यात मक्याचा जाडसर किस,लाल तिखट, हळद, मीठ आणि साखर घालून चांगल्या प्रकारे मिक्स करा. आता ह्यात अर्धा कप दुध मिसळून परतून घ्या.

नंतर खोबऱ्याचा किस घाला. झाकण ठेऊन गॅसच्या मंद आचेवर १० ते १५ मिनिटे शिजू द्या. मधे मधे चमच्याच्या सहाय्याने परतून खालीवर करा. नंतर गॅस बंद करा. आता लिंबू पिळून लिंबू मिक्स करा. मक्याचा किस सर्व्ह करताना त्यावर ओलं खोबरं आणि कोथिंबिरीने सजवा.