प्रथम फ्लॉवरचे मध्यम आकाराचे तुकडे करून उकळीच्या पाण्यामध्ये दहा मिनीट ठेवावे.दुसरीकडे एका भांड्यामध्ये तांदळाचे पीठ, मैदा व कॉर्नफ्लोअर घेऊन त्यामध्ये लाल मिरची +आले +लसूण पेस्ट,थोडेसे मीठ व एक टेबलस्पून तेल घालून एकत्र करावे व त्यामध्ये थोडे थोडे पाणी घालावे.

या मिश्रणाचे भज्या सारखे पीठ भिजवून घ्यावे.आता फ्लॉवरचे तुकडे पाण्यातून काढून घ्यावे.त्यावर एक टीस्पून कॉर्नफ्लोअर,आले-लसूण पेस्ट, थोडे मीठ, गरम मसाला घालून पाच मिनिट मॅरिनेट करावे व पाच मिनिटानंतर हे तुकडे मैदा कॉर्नफ्लोअर च्या बॅटर मध्ये ॲड करावेत.

आता कढईमध्ये तेल गरम करून मध्यम आंचेवर साधारण दोन ते तीन मिनिट अर्धवट तळून घ्यावेत.अशाप्रकारे सर्व तळल्यानंतर सर्व्ह करण्यापूर्वी मोठ्या आंचेवर पुन्हा खरपूस (डबल फ्राय) तळून घ्यावेत.