દાળ બંને અલગ અલગ ધોઈ ને પલાળવી ૨ કલાક માટે.અને પૌવા ને જયારે ક્રશ કરો તયારે પલાળી દેવા.

પછી પલળી જાય ત્યારબાદ ક્રશ કરી ૪ કલાક રહેવા દેવું. પછી પૌવા પણ ક્રશ કરી લેવા. સાથે જ ટુકડો આદુ મરચાં નાખી દેવા.પાણી થોડું નાખી ક્રશ કરવું. પછી છેલ્લે બેટર બહુ જાડું નહીં અને બહુ પતલુ નહીં એવું રાખવું.

પછી એક બાઉલમાં લઈ તેમાં મીઠું,હળદર નાખી મીક્ષ કરી લો.પછી ઢોકળીયામાં જેવી રીતે મુકીએ તેવી જ રીતે મુકી દેવું.

લોચાની ચટણી માટે જે બેટર છે તેને કાચું પાકું બાફવું. ઠંડું પડે એટલે મીક્ષર જારમાં મરચાં,મીઠું,ખાંડ, લીંબુ,લીલાઘાણા નાખી ક્રશ કરવું.

નાની ચમચી લાલ મરચું કાશ્મીરી, નાની ચમચી ચંચળ લઇ મીક્ષ કરી ઊપર છાંટવા નો મસાલો રેડી કરવો.

તો તૈયાર છે સુરતી ચીઝ લોચો.