સૌ પ્રથમ એક મિક્ષીંગ બાઉલમાં મેંદો, ખાંડ, બેકીંગ પાઉડર, સાજીના ફૂલ, મીઠું અને લીંબુનો રસ ઉમેરી, દૂધથી નરમ લોટ બાંધી લો.

ત્યારબાદ તેમાં માખણ નાંખી, ૫ થી ૭ મિનિટ સુધી મસળો. સ્મૂધ થાય પછી તેલ લગાવી દો. જેથી લોટ ડ્રાય ના થાય.

પછી તેને ઢાંકીને ૨ કલાક ગરમ જગ્યા એ રહેવા દો. ત્યારબાદ સારી રીતે મસળીને લુઆ બનાવી લો.

પછી એક લૂઓ લઇ, ગોળ વણી લો. ૧/૨ ઇંચ જાડું રાખો. પછી તેને એક વાટકાથી કાપી લો.

વચ્ચેથી નાના ઢાંકણ વડે કાપી લો. એ રીતે બધા ડોનટ્સ તૈયાર કરી લો.

ત્યારબાદ તેને ગરમ તેલમાં ગોલ્ડન બ્રાઉન થાય એ રીતે તળી લો.

બધા ડોનટ્સ તળીને કીચન પેપર પર કાઢી લો. પછી એક પેનમાં પાણી નાંખી, સ્ટેન્ડ મૂકી તેના પર એક બાઉલમાં વ્હાઇટ ચોકૉલેટ ઓગાળી લો. એ રીતે બ્રાઉન ચોકૉલેટ પણ ઓગાળી શકાય.

ડોનટ્સને પીગળેલી ચોકૉલેટમાં ડીપ કરી લો અથવા તો બટર નાઇફથી ચોકૉલેટ લગાવી દો. વ્હાઇટ ચોકૉલેટમાં લીલો અને ગુલાબી ફુડ કલર મિક્ષ કરીને પણ સ્પ્રેડ કરી શકાય. તેના પર અલગ-અલગ જાતના સ્પ્રિંકલ અને ચોકૉલેટ ચીપ્સ લગાવી લો. ડોનટ્સ સર્વ કરવા માટે તૈયાર છે.