સૌ પ્રથમ આદુ,મરચાં અને લસણ ચોપરમાં ક્રશ કરી લો.બાફેલા બટાકા મેશ કરી લો.

હવે તુવેરનાં દાણા ધોઇને પાણી નિતારી ચોપરમાં અધકચરા ક્રશ કરી લો.

હવે એક પેન માં સ્ટફિંગ બનવવા તેલ ગરમ કરો.તેલ ગરમ થાય પછી ક્રશ કરેલાં આદુ,મરચાં અને લસણ ઉમેરો.સ્લો ગેસ પર 2 મિનિટ સાંતળી લો.હવે ક્રશ કરેલી તુવેર ઉમેરો.મેશ કરેલા બટાકા અને બધાં મસાલા ઉમેરો.બધી સામગ્રી બરાબર મિક્સ કરી લો.

10 મિનિટ સ્લો ગેસ કરી ઢાંકી દો.હવે ગેસ બંધ કરી દો.મિશ્રણ ને ફરી એક વાર હલાવી દો અને ઠંડુ કરવાં માટે સાઈડ પર મૂકી દો.

લીલું લસણ અને કોથમીર ધોઇને કોરા કરી લો.

એક બાઉલમાં પડ માટેની બધી સામગ્રી ભેગી કરો.સમોસા બનાવીએ એ રીત નો જ લોટ બાંધી લો.

મિશ્રણ ઠંડુ થાય પછી લસણ અને કોથમીર ઉમેરી મિક્સ કરી લો.

લોટ માંથી પણ નાના નાના લુઆ કરી પૂરી વણી લો.વચ્ચે મિશ્રણ મુકી પોટલી ની જેમ કચોરી વાળી લો.

આ રીતે બધી કચોરી તૈયાર કરી લો.હવે તેલ ગરમ કરવાં મુકો.(તેલ વધુ ગરમ કરવુ નહીં,નહીં તો કચોરી નુ પડ અંદર થી કાચું રહી જશે.) તેલ ગરમ થાય પછી કચોરીને તેલ મા તળી લો.આ દરમ્યાન ગેસ સ્લો રાખવું જેથી કચોરી ગોલ્ડન પણ થઈ જશે અને સરસ ક્રિસ્પી બનશે.

એકદમ સ્વાદિષ્ટ અને ગરમા ગરમ ક્રિસ્પી તુવેરની કચોરી તૈયાર છે.