प्रथम बासमती तांदूळ स्वच्छ धुऊन अर्धा तास ठेवून दिले. मग एका पॅनमध्ये एक चमचा तूप, खडा मसाला, जीरे घालून त्यावर तांदूळ घालून परतून घेतले. मीठ आणि थोडे लिंबू पिळून त्यावर गरम पाणी घालून उकळी आल्यावर मग झाकण ठेवून तांदूळ 90 टक्के शिजवून घेतला.

वरील तांदूळ शिजल्यावर त्याचे तीन समान भाग केले. त्यातील एक भाग पॅनमध्ये घेऊन त्यात क्रीम घालून वाफवून वाडग्यात काढून घेतले.

आता केसरी कलर साठी पॅनमध्ये तूप गरम करून त्यावर आलं लसूण पेस्ट परतून घेतली. थोडासा कांदा परतून घेतला. व गाजर टोमॅटो प्युरी थोडंसं मीठ घालून परतून घेतले. व त्यात वरील भातातील एक भाग मिक्स करून वाफवून घेतले. अशाप्रकारे ग्रीन राईस पण बनवून घेतला.