बाजरी रात्री पाण्यात भिजवून ठेवावी. मुगाची डाळ दोन तीन पाण्याने स्वच्छ धुवून घ्यावी. तांदूळ दोन ते तीन पाण्याने स्वच्छ धुवून घ्यावे.

खिचडी साठी लागणारे साहित्य एकत्र ठेवावे. कांदा,टोमॅटो,मिरची बारीक चिरून घ्यावी. लसणाच्या पाकळ्या सोलून घ्यावा. एक बटाटा चिरून घ्यावा. पॅन मध्ये थोडे तेल टाकावे. तेल गरम झाल्यावर जीरे टाकावे. जीरे तडतडल्यावर लसणाच्या पाकळ्या टाकाव्या. लसूण लाल झाल्यावर हिरवी मिरची टाकावी.

मग कांदा टाकावा. कांदा सोनेरी झाल्यावर टोमॅटो टाकावा. कांदा आणि टोमॅटो एकजीव झाल्यावर बटाटे, मटार, लसुन आद्रक पेस्ट टाकावी.

नंतर त्यामध्ये तिखट,मीठ,हळद,धने पावडर, जीरे पावडर,पुलाव मसाला टाकावा. त्यामध्ये बाजरी,तांदूळ,मुगाची डाळ परतवून घ्यावी. आणि दोन कप पाणी टाकावे.

कुकरचे झाकण लावावे. कुकरच्या दोन ते तीन शिट्ट्या होवू द्याव्या. आणि 15ते वीस मिनिटे गॅस मंद आचेवर ठेवावा.