સૌપ્રથમ 200 ગ્રામ મમરા લેવા તેને ચાળી નાખવા જેથી કચરો હોય તે દૂર થઈ જાય ત્યારબાદ ૧૫ કળીલસણ લેવું ત્રણ ચમચી કાશ્મીરી મરચું લેવું પાંચ ચમચી તેલ લો આ બધી વસ્તુઓ તૈયાર રાખવી ત્યારબાદ એક નાની ખાંડણીમાં લસણ નાખું તેને થોડીવાર ખાંડવું પછી તેમાં 3 ચમચી કાશ્મીરી મરચું નાંખવું થોડું મીઠું નાખવું આ બધાને ખાંડીને લસણની ચટણી તૈયાર કરવી

ત્યારબાદ લસણની ચટણી ને એક વાટકીમાં ભરી લેવી પછી એક મોટા લોયામાં મમરા ને શેકવા જેથી મમરા ક્રિસ્પી બને ત્યારબાદ એક લોયામાં પાંચ ચમચા તેલ લેવું તેને ગેસ પર ગરમ કરો તેમાં 1/2 ચમચી હિંગ નાંખવી તેલ ગરમ થાય પછી તરત જ ગેસ બંધ કરી દેવો અને તેમાં લસણની ચટણી બનાવી છે તે નાખીને ગરમ કરવી અને તેલ સાથે મિક્સ કરવી અને ચમચા વડે હલાવવું જેથી ચટણી તેલમાં બરાબર મિક્સ થઇ જાય પછી 1/2 ચમચી મીઠું નાખવું

તેલમાં મીઠું નાખ્યા પછી હલાવીને જે મમરા શેકીને રાખ્યા છે તે નાખી દેવા અને બરાબર હલાવવું એમાં પા કપ સેવ નાખવી અને બરાબર મમરા ને હલાવવા જેથી તે બળી ન જાય પછી ફરીવાર ગેસ ચાલુ કરી આ બધાને 1/2મિનિટ માટે હલાવવા ને તરત જ ગેસ બંધ કરી દેવો અને મમરા ને ઠંડા પડવા દેવા

ત્યારબાદ મમરા ઠંડા પડે પછી એક ડીશમાં ભરી લેવા પછી એક મોટી ડીશ લઇ તેની વચ્ચે મમરા ભરેલી ડીશ મૂકવી આજુબાજુ વઘારેલા મમરા ના દાણા વડે ડેકોરેટ કરી વઘારેલા લસણીયા મમરા સર્વ કરવા આમ આપણા ચટાકેદાર ટેસ્ટી મજેદાર લસણીયા વઘારેલા મમરા તૈયાર થશે જે સુપાચ્ય ખાવા માટે હળવા માંદા માણસને પણ ખૂબ જ ઉપયોગી થાય છે આ ચટાકેદાર મમરા જોઈને જ વારંવાર ખાવાનું મન થાય છે