तुरीची डाळ धुवून त्यात हळद घालून शिजवून घ्यावी. शेवग्याच्या शेंगा सोलून त्याचे तुकडे करून घ्यावे. ते पाण्यात मीठ टाकून उकळून घ्यावे.

आता गॅस वर एका कढईत तेल टाकून गरम करावे. जीरे, मोहरी, हिंग टाकावा. कढीपत्ता, हिरवी मिरची आणि आले आणि थोडीशी कोथिंबीर टाकून परतून घ्यावे.

आता त्यात शिजलेले आणि घोटलेले वरण टाकावे. मिक्स करून घ्यावे. गोडा मसाला, चिंच, गूळ आणि चवीनुसार मीठ टाकावे.

त्यानंतर उकडलेल्या शेंगा त्यातील पाण्यासह टाकाव्यात. त्यानंतर गरजेप्रमाणे पाणी टाकून 2-3 उकळ्या काढून घ्याव्यात. नंतर खोबरे किस आणि कोथिंबीर टाकून गॅस बंद करावा. माझेकडे ओले खोबरे नसल्यामुळे मी कोरडा खोबरं किस टाकलेला आहे.