સૌપ્રથમ બટાકા વટાણા ને પાણી માં મીઠું નાખીને બાફી લો. અને બાફેલા વટાણા બટાકા ને મેશ કરી લો.

હવે આપણે રગડો તૈયાર કરી લઈએ. તો એના માટે એક મોટી કડાઈમાં તેલ ગરમ કરવા માટે મૂકો. તેલ ગરમ થાય ત્યારે તેમાં જીરુ, હીંગ, લસણ મરચાં ની પેસ્ટ, ઝીણી સમારેલી ડુંગળી ને સાંતળી લો.

હવે એમાં મેશ કરેલા વટાણા બટાકા ઉમેરી લો. ત્યારબાદ તેમાં હળદર અને લાલ મરચું, સ્વાદ પ્રમાણે મીઠું,ગરમ મસાલો ઉમેરો અને મિક્સ કરી લો અને પાણી ઉમેરીને ઉકળવા મૂકો. અને રગડો ઘટૃ થવા દો. તો હવે રગડો તૈયાર છે કોથમીર ઉમેરી લો. ગેસ બંધ કરી લો.

હવે ભેળ બનાવી લઇએ તો એક મોટા વાસણમાં મમરા ઉમેરી બટાકા વટાણા નો રગડો ઉમેરીશું. ત્યારબાદ તેમાં ખજૂર આંબલી ની ચટણી, ગ્રીન ચટણી, ઝીણી સમારેલી ડુંગળી, ઝીણા સમારેલા ટામેટા ઉમેરી બરાબર મિક્ષ કરી લો. અને સવિૅંગ પ્લેટ માં લો.

અને ઉપર ગાનિૅશિગ કરી લો તો એના માટે ઉપરથી ઝીણી સમારેલી ડુંગળી, ટામેટા, તળેલા શીંગદાણા, ગ્રીન ચટણી, ખજૂર આંબલી ની ચટણી, સેવ, ટૂટી ફૂટી, અને કોથમીર ઉમેરો તો તૈયાર છે ખૂબ જ ટેસ્ટી ભેળ.