ஒரு கடாயில் தேவையான அளவு எண்ணெய் விட்டு கடுகு,உளுந்தப்பருப்பு சேர்க்கவும்.

கடுகு வெடிக்கவும்,சிறிதளவு கருவேப்பில்லை சேர்த்து,1/2 ஸ்பூன் சீரகம்,சிறிதளவு பெருங்காயத்தூள் சேர்க்கவும்.

எல்லாவற்றையும் நன்றாக வதக்கிய பின்பு,2 டம்ளர் தண்ணீர் ஊற்றி கொதிக்க விடவும்.

தேவையான அளவு உப்பு சேர்த்து,1 கப் அரிசி மாவு கட்டி இல்லாமல் கிளறவும்.

கட்டியான பதத்திற்கு வரவும் வேறொரு பாத்திரத்தில் மாற்றவும்.சூடு ஆறவும் மாவை நன்றாக பிசையவும்.

படத்தில் காட்டியவாறு குழி கொளுக்கட்டையாக செய்யவும்.இட்லி பாத்திரத்தில் வைத்து 10 நிமிடம் வேக வைக்கவும்.

வேறொரு கடாயில் எண்ணெய் ஊற்றி சிறிதளவு உளுந்து சேர்க்கவும்.

பின்பு,கடலைப்பருப்பு சேர்த்து நன்றாக வதக்கவும்,அதனுடன் வத்தல் சேர்த்து வதக்கவும்.

கறிவேப்பிலை சேர்த்து,1 ஸ்பூன் தேங்காய் துருவல் சேர்த்து தேவையான அளவு உப்பு சேர்த்து வதக்கவும்.

வேக வைத்து எடுத்துள்ள கொளுக்கட்டையை சேர்த்து நன்றாக மெதுவாக கிளறவும்.

சுவையான காரக் கொளுக்கட்டை தயார்,தேங்காய் சட்னி அல்லது தக்காளி சட்னி வைத்து சாப்பிட்டால் சுவையாக இருக்கும் மிகவும் சுலபமான வித்தியாசமான காலை உணவு ரெடி.