સૌ પ્રથમ ભીંડા ને વચ્ચે કાપી લો. અને તેમાં એક ઉભો ચીરો લગાવી ને તેને ગરમ તેલ માં તળી લો. ભીંડા ચડી જશે એટલે તેનો રંગ થોડો બદલાઈ જશે. પછી તેને કાઢી લો.

હવે એક કડાઈમાં તેલ ગરમ કરો. અને તેમાં રાઈ અને હિંગ નાખો. રાઈ તતડે એટલે તેમાં ડુંગળી નાખી ને તેને ૧ મિનિટ સાંતળો. ત્યારબાદ તેમાં આદું લસણ ની પેસ્ટ અને લીલા મરચાં નાખી ૨ મિનિટ સુધી સાંતળો. હવે તેમાં ટામેટાં ઉમેરો.

ટામેટાં થોડા ઢીલા થઈ જાય એટલે તેમાં મસાલા નાખીશું. જેમકે હળદર, લાલ મરચું, ધાણાજીરું, ગરમ મસાલો અને મીઠું. હવે તેને ૬ - ૭ મિનિટ માટે સાંતળો.

તેલ છૂટતું પડે એટલે તેમાં દહીં ઉમેરીશું. તેને બરાબર મિક્સ કરી ને ૩-૪ મિનિટ સુધી રહેવા દો.

હવે તેમાં તળેલા ભીંડા ઉમેરી ને તેને ૫ મિનિટ માટે રહેવા દો. ત્યાર બાદ ગેસ બંધ કરી દો. અને તેને ધાણા નાખીને બરાબર હલાવી લો.