#md

आईच्या हातची आवडणाऱ्या रेसिपीज मध्ये ही माझी अत्यंत आवडती रेसिपी.. रेसिपी पोस्ट करण्याची वेळ संपली आहे..मी दोन दिवसांपासून विचार करते ही रेसिपी पोस्ट करु की नको,कारण अनारसेे करताना माझ्या आईकडून कधीच बिघडले नाहीत आणि माझ्याकडून ही आतापर्यंत कधीही ही रेसिपी फसली नाही..पण... वर्षा मॅडम ने मदर्स डे निमित्त आईच्या हातची आवडणाऱ्या रेसिपीज बनवायला सांगितले, वेळ कमी होता तरीही माझे हात आपोआप तांदळाच्या डब्याकडे गेले आणि मी अगदी थोडे एक कप तांदूळ लगेच भिजत घातले.. तीन दिवस भिजविणे शक्य नव्हते पण उन्हाळा आहे दोन दिवस भिजले तरी चालेल असा विचार करत मी हा घाट घातलाच..

आणि सगळं काही मनासारखे व्यवस्थीत अनारसे पीठ तयार झाले..पण महाराष्ट्र रेसिपीज पोस्ट करण्यासाठी पण तो शेवटचा दिवस होता.. मला त्याही रेसिपी पोस्ट करायच्या राहिल्या होत्या, बनवुन झाल्या होत्या.. मग ते सगळे तसेच झाकून ठेवले आणि दोन रेसिपी पोस्ट केल्या आणि रात्री बारा वाजून गेले होते.. बनवलेले अनारसे फेकायला खुप वाईट वाटत होते.. म्हणून परत तळण्यासाठी गॅस चालू करून मी हे अनारसे तळले आहेत... खुप छान झाले आहेत. नशीब मी घरी एकटीच होते, म्हणून हे उद्योग केले.पण अर्धे अनारसे वाया गेले ते गेलेच आणि तब्बेत चांगली नसताना हा घाट घातला म्हणून मुलांकडून ओरडा ही पडला..

आणि एवढे उपद्व्याप करून रेसिपी पोस्ट नाही करायची,असं कसं नाही का..