મુંબઈ ની ફેમસ ચટપટી ચણા ચાટ બનાવવા માટે સૌપ્રથમ ૧ કપ નાના ચણા લો. ચણા ને સારી રીતે ૨-૩ વખત પાણીમાં ધોઈ લો. હવે એમાં એક કપ પાણી રેડીને ૮ કલાક પલળવા દો. પછી કૂકરમાં ૨ કપ પાણી રેડીને ચણામાં ચપટી મીઠું નાખીને ૫ સીટી વગાડી ચણાને બાફી લો. હવે ૧નાના બાઉલમાં બધા મસાલા ઉમેરો.

હવે મસાલામાં સ્વાદ અનુસાર સિંધવ મીઠું ૩ ચમચી પાણી ઉમેરી લિક્વિડ મિક્સર તૈયાર કરો. હવે ગેસ ઉપર એક પેન ગરમ કરો હવે તેમાં ૨ ચમચી તેલ ગેસની આંચ ધીમી રાખો.તેલ ગરમ થઈ જાય એટલે આદુ-લસણની પેસ્ટ અને 1/2 ચમચી હળદર ઉમેરો ત્યારબાદ લિક્વિડ મિક્સર ઉમેરી બધું બરાબર મિક્સ કરી લો. હવે તેમાં બાફેલા ચણા ઉમેરો.

હવે ચણાને મસાલામાં બરાબર મિક્સ કરો. હવે એક બાઉલમાં મસાલા ચણા કાઢી લો. હવે તેમાં ઝીણા સમારેલા ડુંગળી ટામેટા અને કાકડી ઉમેરો. હવે ઝીણા સમારેલા લીલા મરચા, લીંબુનો રસ અને વેજિટેબલ્સ ના માપના મસાલા ઉમેરો. હવે સ્વાદ અનુસાર સિંધવ મીઠુ ઉમેરીને બધું બરાબર મિક્સ કરી લો. મીઠું ઉમેરતી વખતે ધ્યાન રાખવાનું છે કે આગળ પણ આપણે મસાલા લિક્વિડ મિક્સરમાં મીઠું ઉમેર્યું છે.

હવે એક બાઉલમાં કાઢી લો. હવે તેના ઉપર ઝીણા સમારેલા લીલા ધાણા, નાયલોન સેવ અને થોડા કાચા વેજીટેબલ થી ગાર્નીશ કરો. મુંબઈ ની ફેમસ ચટપટી ચણા ચાટ ની રેસીપી સર્વ કરવા માટે તૈયાર છે. મારી આ રેસીપી નાના તથા મોટા બધાને ખૂબ જ પસંદ આવશે તો તમે મારી આ રેસીપી ઘરે જરૂર ટ્રાય કરો અને આનંદ માણો.