સૌપ્રથમ એક મોટી કઢાઈમાં ચણાના લોટને ચારણીથી ચાળી લેવો.ત્યારબાદ તેમાં જે બાઉલથી ચણાનો લોટ લીધો હોય તે એક બાઉલ છાશ અને બે બાઉલ પાણી રેડવું એટલે કે એક બાઉલ લોટ લીધો હોય તો ત્રણ બાઉલ છાશ, પાણી બંને ભેગુ થઈને લેવું. ત્યારબાદ તેમાં સ્વાદ પ્રમાણે મીઠું,હળદર, હિંગ અને ખાંડ નાખી galinder થી મિક્સ કરવું. ગેસ ચાલુ કરી ધીમા તાપે હલાવવું.

હવે સતત હલાવતા જવું. અંદર ગાઠા પડે નહીં તેનું ધ્યાન રાખવું. હવે ખાંડવી બનાવવા માટે તેનું ખીરું તૈયાર થઈ ગયું છે.એક ચમચીની મદદથી એક ડીશમાં ખીરું કાઢી તેને પાથરી દો. બે મિનીટ પછી તે easy રીતે રોલ થાય પછી ગેસ બંધ કરી દેવો. હવે પ્લેટફોર્મ પર બે-ત્રણ વાર સાફ કરી તેલથી ગ્રીસ કરી દેવું અને બાઉલને પણ તેલ થી ગ્રીસ કરવું. હવે ખીરાને થોડું લઈ તેને વાટકી ની મદદથી એકદમ પતલુ પાથરી દો. બધાજ ખીરાને આ રીતે પાથરી દો.

હવે એક કઢાઈમાં તેલ લઈ, રાઈનો વઘાર કરો. રાઈ તતડે પછી તેમાં કટ કરેલા મરચાના પીસ નાખો અને બે મિનિટ થવા દો.ગેસ બંધ કરી તલ ઉમેરો. મે તલ શેકી ને લીધા છે એટલે મેં ગેસ બંધ કર્યા પછી નાખ્યા છે. હવે જે ખીરુ પથારિયું હતું તેને ચપ્પાની મદદથી બબ્બે ઈંચના કાપા પાડો. રોલ કરતા હો તે રીતે બધા જ રોલ વાળી દો.

હવે એક બાઉલમાં ખાંડવી પાથરી દો. પછી તેના ઉપર વઘાર રેડો. ત્યારબાદ તેના ઉપર કોથમીર અને કોપરાનું છીણ નાખી તૈયાર કરો. ફરીથી તેના ઉપર બીજા રોલ મૂકો. તેના ઉપર વઘાર રેડો. ત્યારબાદ તેના ઉપર કોથમીર અને કોપરાનું છીન નાખો. આમ બધા જ રોલ વારાફરતી તૈયાર કરો.

હવે ચટપટી ગુજરાતી ખાંડવી તૈયાર છે. તેને સર્વિંગ બાઉલમાં લઈ સર્વ કરો.