முதலில் 50 கிராம் ரவையை ஒரு மிக்ஸி ஜாரில் சேர்த்து நன்றாக பொடியாக்கிக் கொள்ள வேண்டும்

அடுத்து ஒரு கடாயில் 2 டேபிள்ஸ்பூன் நெய் சேர்த்து நெய் சூடானவுடன் அதில் நாம் அரைத்து வைத்துள்ள ரவை தூளை சேர்த்து நன்றாக வாசனை வரும் வரை வறுத்து‌ தனியாக ஒரு பாத்திரத்தில் எடுத்துக் கொள்ளலாம்.

பிறகு ஒரு பழுத்த மாம்பழத்தை தோலை நீக்கிவிட்டு பழத்தை மட்டும் பொடியாக நறுக்கி ஒரு மிக்ஸி ஜாரில் சேர்த்து மைய அரைத்து எடுத்துக் கொள்ள வேண்டும்

பிறகு ஒரு கடாயில் ஒரு டம்ளர் பால் சேர்த்து அதில் நாம் அரைத்து வைத்துள்ள மாம்பழத்தையும் சேர்த்து நன்றாக கலந்து விட்டு 2 நிமிடம் வரை வேக வைக்க வேண்டும்

மாம்பழம் பாலுடன் சேர்ந்து நன்றாக வெந்து இருக்கும் அந்த சமயத்தில் 5 டேபிள்ஸ்பூன் சர்க்கரை தூளை அதனுடன் சேர்த்து நன்றாக மீண்டும் கிளறி விட வேண்டும்

அடுத்து நாம் நெய்யில் வதக்கி வைத்திருக்கும் ரவை தூளை ஒரு ஒரு கரண்டியாக சேர்த்து கட்டி விழாமல் நன்றாக கிளறி விட வேண்டும்

கட்டி விலகாமல் கிளறிக் கொண்டே இருந்தோமானால் தண்ணீர் பதத்திலிருந்து கலவை கெட்டியாக ஆரம்பிக்கும்

நாம் கரண்டியை வைத்து கிண்டும் பொழுது கரண்டி எந்த பக்கம் எல்லாம் செல்கின்றதோ அதே பக்கம் மாவும் பின் தொடர்ந்து வரும் அளவிற்கு கெட்டியாக மாவு கையில் ஒட்டாத அளவிற்கு நன்றாக வரும் வரை கிளறி விட வேண்டும்

பிறகு 1 டேபிள்ஸ்பூன் நெய் சேர்த்து கிளறி விட்டு கடாயில் ஒட்டாமல் நன்றாக வெந்து வந்ததும் அதனை ஒரு பாத்திரத்தில் மாற்றி ஆற வைக்கலாம்

பிறகு கைகளில் லேசாக நெய் தடவிக் கொண்டு நாம் ஒரு ஒரு உருண்டைகளாக பிடித்து அதனை நமக்கு பிடித்த வடிவம் போல் வடிவமைத்துக் கொள்ளலாம்

இப்போது ஐந்து பாதாம் மற்றும் ஐந்து பிஸ்தா இவற்றை பொடியாக நறுக்கி அதனை பேடாவின் நடுவில் அலங்கரித்துக் கொள்ளலாம்