نحط اللبن في طبق كبير وعليه معلقتين كبار عصير ليمون و نقلبهم ونسيبها خمس دقايق

نفصل البياض عن الصفار وناخد صفار بيضتان ونضيفه على اللبن

نضيف عليهم الزبده السايحه ونقلب كويس

نصفي الدقيق و نضيفه عليهم هو والبيكنج بودر و رشه الملح و نقلبهم كويس

نجيب بياض البيض ونضربه بالمضرب الكهربي لحد ما يعمل رغوه ونضيف السكر والفانيليا ونضربه لحد ما حجمه يتتضاعف

نضيف البياض على الخليط ونقلبه براحه

ملحوظه🤚 لو في اي نقطه صفار في البياض مش هيعمل رغوه

نسخن طاسه مبتلزقش على نار هاديه منغير ما ندهنها اي حاجه عشان يطلع لونها موحد ونحط كميه على حسب الحجم اللي انتي عايزاه

هتعمل فقاعت على الوش لما معظمها يفرقع نقلبها على الوش التاني دقيقه ونشيلها نرص الكمية فوق بعضها لحد ما نخلصها

نحط كميه حسب الرغبه في طبق ونحط عليه اي صوص نحبه انا استخدمت صوص فراوله و شربات

و بالف هنا ♥️