कुकर मध्ये ३ मोठे चमचे तेल गरम करून त्यात मोहरी, जीरे, हळद, कढीपत्त्याची फोडणी द्यायची. फोडणी तडतडली की त्यावर मिरची-आलं-लसूण पेस्ट परतून घ्यायची. पेस्ट ला थोडं तेल सुटलं की त्यावर कांदा मऊ पडेपर्यंत परतून घ्यायचा. मीठ घालायचं. हिरवे मटार परतून घ्यायचे.

थोडं जास्तीच पाणी घालून(कटासाठी) कुकर ला ३ शिट्या काढून शिजवून घ्यायचे.

मिसळ मसाला : कढई गरम करून त्यावर सुक्या लाल मिरच्या, दालचिनी, मोहरी, साधं जिरं, शहाजीरे, मेथी दाणे, धणे, तिरफळ, काळी वेलची, हिरव्या वेलची चे दाणे, पांढरे तीळ एकत्र परतून घ्यायचे. मसाल्यांचा सुगंध पसरला की गॅस बंद करून खसखस घालायचं. खसखस आधी ऍड केलं तर ते लवकर भाजून लाल -काळ पडू शकत. सर्व ऐवज थंड झाला की मिक्सर ला बारीक करून ठेवून द्यायचं. ताज्या मसाल्याची मिसळ ला छान चव येते.

रस्सा : कढईत तेल गरम करून कांदा टोमॅटो शिजवून घ्यायचा. त्यावर तयार केलेला मिसळ मसाला, वाटल्यास गोडा मसाला, १ चमचा काश्मिरी लाल मिरची पावडर घालायची. काश्मीरी पावडर ने रंग छान चढेल. तेल सुटेपर्यंत परतायचं.

कटासाठी तयार केलेले हिरवे वाटण्याचे सर्व मिश्रण या मसाल्यावर ओतायचे. गरजेनुसार गरम पाणी घालायचे. गरम पाण्यामुळे तर्री छान सुटते. झाकण ठेवून शिजू द्यायचे. मिश्रण उकळले की वर लालचुटुक तेल - मसाल्याची तर्री दिसू लागेल. मिठाचं प्रमाण एकदा चेक करून घ्यायचं. उसळ शिजली की गॅस बंद करून झाकून ठेवायचं.

उसळीवर आलेली तरी वेगळी काढून ठेवायची.
तयार मिसळ लादी पाव सोबत खायला घ्यायची.