गहू स्वच्छ धुवून रात्रभर भिजवून ठेवावे. त्यानंतर गव्हाच्या तिप्पट पाणी टाकून, कुकर मध्ये 8-9 शिट्या काढून शिजवून घ्यावे.

त्याचप्रमाणे खिरिला लागणारे सुकामेवा, काप करावेत. गुळ बारीक करून घ्यावा.

आता कुकर थंड झाल्यावर, शिजविलेले गहू, मिक्सर मधून जाडसर बारीक करून घ्यावे. गॅसवर एका कढईत तूप टाकून ते गरम करावे.

त्यात सुरुवातीला काजू, बदाम काप टाकून किंचित परतून घ्यावे. त्यानंतर त्यात किसमिस टाकावे.

किसमिस फुलले की त्यात बारीक केलेले गहू टाकावे. आणि छान परतून घ्यावे.

त्यातच खोबऱ्याचे काप घालून ते ही गव्हा सोबत परतून घ्यावे. 2-3 मिनिट परतल्यावर, त्यात आवश्यकतेनुसार पाणी टाकून 3-4 मिनिट शिजवावे. त्यानंतर त्यात गूळ टाकावा.

वेलची पूड टाकावी. आणि पुन्हा 2*3 मिनिट उकळू द्यावे. या प्रमाणे दूध न घातलेली खीर तयार झाली आहे.

आता सर्व्ह करताना त्यात गरम दूध टाकून सर्व्ह करावे. शक्यतोवर आधी दूध टाकू नाही. कारण गुळ टाकलाय, त्यामुळे, दूध खराब होऊ शकते. आणि टाकताना दूध गरम करून टाकावे. ही, खीर चवीला खूप छान लागते..