एका पातेल्यात गूळ घेऊन त्यामध्ये पाणी ओतावे. गुळ आणि पाणी दोन्ही एकत्र करून घ्यावे. गुळ पूर्णपणे पाण्यामध्ये विरघळून घ्यावा. थोडेसे मीठ टाकावे नंतर त्यामध्ये रवा भाजून घालावा ते मिक्स करावे. हे मिश्रण एक रात्र तसेच ठेवावे.

दुसऱ्या दिवशी रवा व्यवस्थित भिजून फुलून येतो. रवा मध्ये दोन चमचे बेसन पीठ घालावे आणि दोन चमचे तांदळाचे पीठ घालावे. त्यामुळे त्याचा व्यवस्थित गोळा तयार होतो. त्याचे गोळे करून बाजूला ठेवावे.

एका परातीत मैदा आणि गव्हाचे पीठ घेऊन त्यामध्ये चवीनुसार मीठ घालावे. एक मोठा चमचा तेलाचे मोहन घालावे आणि पाणी घालून पीठ मळून घ्यावे.

पिठाची वाटी करून त्यामध्ये सारणाचा गोळा घालावा आणि पुरणपोळी सारखे लाटावे पुरी इतका आकार ठेवावा. अशाप्रकारे पुऱ्या तयार करून घ्यावा.

एका कढईत तेल तापत ठेवावे. तयार पुऱ्या तेलामध्ये तळून घ्याव्या आणि ह्या पुऱ्या गरम तसेच थंड देखील खूपच छान लागतात.