सर्व साहित्य घ्यावे. वांगे बटाटा धुवून चिरावे. बटाट्याच्या फोडी लहान कराव्यात कारण वांगे पटकन शिजते.

पॅनमध्ये तेल गरम करुन राई जीरे तडतडले की, कढीपत्ता हिंग, मिरच्या टाकून परतावे.

आलं, हळद, तिखट, गोडा मसाला व धणे-जीरे पूड टाकून थोडं परतावे. मीठ चवीनुसार टाकावे. मसाले करपू नये म्हणून २ टेबलस्पून पाणी घालून हलवून घ्यावे.बटाट्याला एक वाफ काढावी.

वांगी टाकून सर्व एकत्र परतावे.परत २/३ टेबलस्पून पाणी घालून वाफ काढावी. वरुन शेंगदाणे कूट व कोथिंबीर घालून दोन मिनिटे परतून घ्यावे. झाकण ठेवून गॅस बंद करावा. (हवे असल्यास साखर-लिंबूरस घालावे.)

खूप छान चवीला होते. भात-वरण, पोळी सोबत अप्रतिम!!!